Koha për të marrë kredi në Shqipëri? Interesa të ulta dhe historike, por shqiptarët nuk kanë fuqi

Të dhënat e Bankës së Shqipërisë, si dhe ato të raportuara nga Shoqata e Bankave, tregojnë ...

se interesat e kredive të dhëna, si për euron ashtu edhe për lekun, qenë më të ulëta gjatë vitit të kaluar dhe shënuan rekord minimal shumëvjeçar.

Interesi mesatar i kredive në lekë të dhëna gjatë periudhës janar-nëntor, (të dhënat për dhjetorin nuk janë ende të disponueshme), ranë në 12 për qind, nga 12.6 për qind që ishin në vitin 2010. Kreditë në euro u dhanë përkundrejt interesit 7.4 për qind nga 7.5 për qind që qenë në vitin 2010.

Interesat e depozitave 12-mujore në lekë ranë në 5.9 për qind vitin e kaluar, ndërsa qenë rreth 6.3 për qind në vitin 2010. Nga ana tjetër, kostoja bazë e parasë e përcaktuar nga Banka e Shqipërisë ka qenë gjithashtu në ulje.

“Në tremujorin e tretë të vitit 2011, kërkesa e individëve për kredi është vlerësuar në rënie nga ekspertët e bankave. Gjatë këtij tremujori, kërkesa për kredi me qëllim financimin e konsumit dhe ajo për blerje banese u përkeqësuan”, thotë Banka e Shqipërisë në raportin mbi vrojtimin e aktivitetit kreditues.

Postoje