FMN "shuplakë" Berishës,rritja ekonomike në Shqipëri nuk ka qenë 18%,por gjysma!

FMN vjen të trazoj ujërat e kryeministrit Berisha duke publikuar vendet në rritje ...

ekonomike për periudhën 200-2011,ku sipas saj ,jo vetëm që Shqipëria nuk ka rritje 18%,por përpara vendit tonë është Afganistani,një vend ky që është në luftë.

Edhe pse Berisha po masakron qytetarët shqiptarë duke mbajtur edhe kompesimin e pensionistëve,që mund të quhet super masakër,kreu i qeverisë shqiptare nuk ka mundur të rënditet në vendet me zhvillim.

Imagjinoni që në vendin tonë,ndihma sociale nuk mjafton as për 1 javë ushqime,rroga bazë nuk mjafton as për 15 ditë ushqime,ndërsa po të mos ishin emigrantët,në Shqipëri vetëvrasjet do të ishin si furtunë,edhe pse aktualisht numri i vetëflijimeve nga varfëria është tejet i rritur në vend.

Sipas FMN-së,15 vende  kanë pasur rritje ekonomike mes 15 dhe 18 përqindëshit dhe 144 vende nga 183 shtetet sovrane të monitoruara, kanë pasur ecuri pozitive ekonomike gjatë periudhës së krizës që filloi në fund të vitit 2008.

Kryeministri Sali Berisha deklaroi dy herë gjatë dy ditëve të fundit se sipas mendimit të tij, për sa kohë që rritja ekonomike e Shqipërisë ka qenë 18 për qind gjatë katër viteve të fundit, kjo do të thotë se modeli ekonomik i vendit është i suksesshëm përkundrejt modeleve ekonomike të Europës Perëndimore e SHBA-ve, të cilat rezultuan të dështuara.

Sipas llogarive të Fondit Monetar Ndërkombëtar, rritja ekonomike e Shqipërisë mes viteve 2008 dhe 2011, ka qenë 9.6 për qind dhe jo 18 për qind. Me vlerësimin e FMN, 88 vende të planetit kanë pasur performancë ekonomike më të mirë se sa Shqipëria.

Rritja e Prodhimit të Brendshëm Bruto varet nga shumë faktorë, por kryesori është niveli ekonomik i vendit që merret në shqyrtim në raport me vendet me të cilat krahasohet. Shqipëria është një nga vendet e pakta në Europë ku niveli ekonomik është i ngjashëm me vendet e Afrikës Nënsahariane.

Fondi Monetar Ndërkombëtar grumbullon të dhëna makroekonomike nga e gjithë bota dhe i publikon ato në faqen e vet të internetit. Duke marrë për bazë krahasimi periudhën 2008-2011, rezulton se Katari ka pasur rritje ekonomike prej 55 përqindësh, si pasojë e naftës, pasuar nga Afganistani me 40 për qind, Kina me 32 dhe Timor Leste me 29 për qind.

Bangladeshi, Ruanda, Vietnami, Sri Lanka, Zambia, Indonezia, Nigeria, Uzbekistani, Laosi e të tjera, janë disa nga vendet që kanë pasur rritje më të madhe ekonomike se sa 18 për qind që pretendohet nga Kryeministri dhe shumë më të lartë se sa shifrat e FMN-së.

Krahasimi

Krahasimi i ecurisë së ekonomive të ndryshme të planetit është një degë e veçantë e ekonomisë, ku vetë ritmi i rritjes ekonomike konsiderohet një e dhënë tërësisht e pamjaftueshme për të parë performancën.

Rritja ekonomike e Katarit p.sh. nuk mund të konsiderohet sukses për shkak se varet nga sasia e naftës dhe e gazit dhe kjo e fundit varet nga vullneti i Zotit, jo i qeverisë.

E njëjta gjë mund të thuhet për Afganistanin, një vend i torturuar nga lufta e gjatë, ku mjafton ekzistenca e një qeverie qendrore për të sjellë kthim në normalitet dhe rritje të prodhimit.

Nga ana tjetër, është e njohur tashmë që prej 100 vjetësh se vendet e varfra kanë mundësi të rriten ekonomikisht më shpejt se sa vendet e pasura dhe se sa më i madh të jetë hendeku, aq më e shpejtë është rritja ekonomike e të varfërve.

Përveç avantazhit të prapambetjes, Shqipëria ka edhe avantazhin e afërsisë gjeografike, pasi ndryshe nga Afganistani, vendi ynë gjendet pranë Europës së zhvilluar.

Polonia p.sh, e cila është më afër vendeve të pasura se sa Shqipëria, por gjithashtu ka nivel ekonomik tre herë më të lartë se ne, ka arritur të rrisë ekonominë e vet me 9.5 për qind gjatë katër viteve, po aq sa është rritur edhe ekonomia e Shqipërisë sipas vlerësimit të FMN.

Kina, e cila ka të njëjtin nivel ekonomik me Shqipërinë sa i përket PBB për frymë, ka arritur të rritet dy herë më shpejt se Shqipëria gjatë kësaj periudhe krize./TCH

Rritja ekonomike 2008-2011 në %

Shqipëria sipas Berishës          18%
Shqipëria sipas FMN -së            9.6%
Katari                          55%
Afganistani                  40%
Kina                           32%
Etiopia                        28%
Singapori                    19.6%
Kosova                       12.6%
Polonia                       9.5%
SHBA                          1%
Gjermania                   1%
Italia                         -3.4%
Greqia                       -11.5%

Postoje