Shqiptarët të harrojnë kreditë,shtrëngohen më shumë kriteret

Edhe pse ka qenë një nga sistemet më skandaloze sistemi bankar në...

Shqipëri për marrjen e një kredie,duket se po shkon nga  e keqja në të keqe.

Që të marrësh një kredi në Shqipëri për të çelur një biznes,kjo është e pamundur.Duhet të kesh biznesin e  ngritur,të shikojë banka të paktën xhiron e 6 muajve të fundit,e më pas të vendosë nëse do japë kredi.

Ky sistem skandaloz na le edhe më larg nivelit të kredive me vendet e zhvilluara.

Edhe për të paktën dy muajt e ardhshëm do të jetë gati të pamundur që dikush të marri kredi. Jo vetëm që bankat tregtare kanë shtrënguar kriteret, por e konfirmojnë vetë se të paktën edhe për dy muajt e ardhshëm nuk do të mund të çlirohet kreditimi në vend,thonë specialistët

Në bankat e nivelit të dytë në kryeqytet, specialistët e kredisë u shprehën se të marrësh një kredi është vështirësuar shumë, pavarësisht stimujve të herëpashershëm të Bankës së Shqipërisë për uljen e normës bazë të interesit.

Sipas specialistëve të kredisë, kredia më e lehtë për t’u marrë është ajo që ata e konsiderojnë kredia e të pasurve me garancinë depozitë. Kjo do të thotë që, në qoftë se ke një depozitë në një shumë të caktuar, mund të aplikosh për një kredi dhe mund ta përfitosh brenda dy ditësh.

Por edhe sipas vrojtimit të fundit të Bankës së Shqipërisë për tre muajt e fundit të vitit 2011, marrja  e kredisë ka qenë më e vështirë për bizneset, veçanërisht ndërmarrjet e vogla dhe të mesme. Në këtë mënyrë, kreditimi ka shkuar në kah të kundërt me politikat monetare të ndërmarra ngaBankae Shqipërisë. Që nga fundi i 2011-ës ajo e ka ulur normën bazë të interesit 4 herë, për të nxitur likuiditetin në treg dhe kreditimin.

Postoje