Athinë,ulje çmimesh ,por të shkruara në SHQIP - Ç'thotë farmacistja greke në ALBNOW - Foto

Mesa duket kriza ekonomike ka bërë që grekët të shprehin hapur interesin ...

e tyre ndaj klientëve shqiptarë.

Disa muaj më parë disa kompani të telefonisë fikse,kishin vendosur reklama nëpër stacionet e autobusave në shqip për ofertat e tyre,ndërsa kohët  e fundit ky fenomen është përhapur edhe tek dyqanet.

Shqiptarët ndjehen në shumë lagje sikur janë në Shqipëri.Punonjësit shqiptarë,ofertat në shqip dhe komunikimi në shqip.

Një nga këto raste është edhe ai që ka konstatuar gazetai i Albnow afër sheshit Viktoria në qendër të Athinës tek një farmaci.

Tek farmacia në fjalë,e cila gjendet në rrugën 3 Septemvriu 97,ka një ofertë për të gjitha produktet kozmetike me ulje deri në 40%.
Ajo që na bëri përshtypje dhe ndaluam,ishte oferta e shkruar në gjuhën shqipe.Duke komunikuar me pronaren e farmacisë,zonjën Aspasia Mastorojanaki,ridëgjuam se interesi për të tërhequr sa më shumë klientët shqiptarë,është rritur në maksimum.

"Emigrantët shqiptarë janë integruar plotësisht në shoqërinë vendase dhe një pjesë e tyre kanë krijuar familje me mendimin se ose do të jetojnë shumë gjatë në Greqi,por mund të qëndrojnë edhe përgjithmonë.Këta njerëz po kalojnë krizën me vështirësi  ashtu siç e kalojmë edhe ne vendasit.Në lagjen tonë ka shumë shqiptarë familjarë të rregullt dhe janë klientë shumë korrektë tek ne,ndaj dhe mendova që oferta për uljet e çmimeve të vihet edhe në shqip." thotë Aspasia.

E pyetur nëse emigrantë janë blerës të produkteve kozmetike,ajo tha se " që prej vitit 2003 emigrantët shqiptarë kanë filluar ta shikojnë jetën ndryshe.Dmth jetojnë momentin dhe mendojnë për fëmijët e tyre,duke mos kërkuar punë,por duke kërkuar mënyra studimi.Kjo ka rritur edhe interesin e paraqitjes së tyre të jashme.Përderisa jetojnë këtu dhe nuk kanë në mend të kthehen,kujdesen për paraqitjen e jashme dhe kjo është shumë e rëndësishme" shton zonja Aspasia.

Bashkëshorti i zonjës Aspasia,Vangjeli,me profesion inxhinier ndërtimi flet për përvojën e  tij me emigrantët shqiptarë.

"Në vitin 2002-2003 mbaj mend që një emigrant shqiptar,i cili punonte bashkë me shumë shqiptarë të tjerë,më kërkoi punë për djalin e tij.E pyeta ç'moshë kishte djali dhe mu përgjigj, "16 vjeç".U çudita dhe e pyeta,pse duhet të punojë një fëmijë dhe të mos shikojë shkollën.Emigranti mu përgjigj ,duke më thënë se "mmmm tani ku do bëjë shkollë,më mirë punë".U përpoqa ti shpjegoj se kur prindi është në gjendje të punojë,fëmija duhet të ndjekë sa më shumë shkollën",thotë Vangjeli.

Më pas bashkëshorti i farmacistes tregon një tjetër histori,ku duket zhvillimi i emigrantëve ."Disa vite më vonë,në lagjen Nea Zmirni,punonte në kompaninë time një emigrant.Kisha vënë re se ishte mjeshtër i mirë dhe kishte fituar shumë para.E pyeta pse nuk kishte blerë akoma një shtëpi,për të mos qenë me qera."Ehhh zoti Vangjeli,kam fëmijët në kurs privat dhe në universitet,nuk jam në gjendje të blej shtëpi" ma ktheu emigranti shqiptar" shton Vangjeli duke theksuar se ndryshimi i nivelit të kërkesave për mirëqenien ka qenë i madh dhe shqiptarët po mendojnë më shumë për jetën e tyre të përditshme sesa për të blerë "disa tulla".

Postoje