Hapen dyert e shkollave greke në Athinë për mësimin e GJUHËS SHQIPE - Fluks regjistrimesh të fëmijëve shqiptarë - Foto

320 nxënës shqiptarë janë të parët që janë regjistruar në listë për mësimin e gjuhës shqipe në shkollat greke.

Prej datës 14/01/2012 ka filluar mësimdhënia  e gjuhës shqipe në shkollën 9-vjeçare ( Dhimotiko) 313 në lagjen Virona të Athinës,ku 18 nxënës janë ulur në bankat e shkollës,jo për të mësuar greqishten,por gjuhën shqipe.

Sipas Partisë së Emigracinit,e cila është nismëtarja  e kësaj arritjeje historike,në ditët e ardhshme do të fillojnë mësimdhënien edhe shkollat në Kukaki,Megara,Markopoulo dhe lagje të tjera të Atikës.

Mësimdhënia e gjuhës shqipe është një bashkëpunim midis Parisë së Emigracinit Shqiptar,Ministrisë së Arsimit grek dhe këshillave bashkiake të këtyre lagjeve.

I kontaktuar nga Albnow,kreu i Partisë së Emigracionit,Shpëtim Beqiraj tha se " janë 320 nxënës të regjistruar në këto moment edhe presim që të fillojë mësimdhënia e gjuhës shqipe në ambjentet e shkollave greke".

Shikoni më poshtë lisën e nxënësve të regjistruar ( për të ruajtur privatësinë,Albnow ka mbuluar numrin e  pasaportës dhe numrin e  telefonit të nxënësvedhe prindërve)

Postoje