Në kushte mjerimi emigrantët me uljet e reja të rrogave- Lexoni shembujt tragjikë

Ulje 22% të të gjitha rrogave kanë vendosur politikanët grekë në ...

kuadër të masava shtrënguese për të marrë kredinë e  re prej 130 miliardë euro,me qëlllim që të shmangin falimentimin.

sipas specialistëve,politikanët grekë u përpoqën pas një nate të tërë bisedimesh që të ruajnë rrogën e  13-të dhe 14-të,por mesa duket kanë prerë rrogën e 11-të dhe të 12-të.

Një i punësuar që merr rrogën më të ulët 751 euro,tashmë do marri rrogë mujore 601 euro,duke mos përfshirë këtu edhe mbajtjet për ndryshimet e shumta që janë bërë në ligje.Nga këto 601 euro,në xhep i punësuari do fusi 462 euro,pasi pjesa tjetër do të jenë detyrimet që mbahen për sigurimet shoqërore etj.Me pak fjalë,emigrantët shqiptarë dhe vendasit grekë do të jetojnë me afërsisht 18 euro në ditë.

Një person i martuar,por pa fëmijë merrte deri më sot 826 euro,ndërsa në të ardhmen rroga mujore do të jetë -22%,dmth 644 euro,nga të cilat në xhep do futi 495 euro.

Një i martuar me vjetërsi pune 9 vjet,i cili mund të ketë 2 fëmijë,merrte der tani 1037 euro,ndërsa në të ardhmen do marri -22%,që do të thotë 808 euro,ndërsa në xhep do fusi 621 euro.

Këtu duket qartë se nuk ka rëndësi rroga e 13-të dhe 14-të,pasi rrogat bazë do të jenë shumë të ulëta.

Imagjinoni jë familje emigranti,çift i martuar me një fëmijë.Nëse në familje punon vetëm burri dhe rroga është 621 euro në muaj,si do mund të përballojë shpenzimet.

Një shtëpi e vogël,garsonierë,arrin në çmimin më të ulët 250 euro.Rreth 80 euro në muaj janë shpenzimet e ujit dhe të dritave(minimumi).45 euro kushton aboneja e autobusave dhe metrosë.80 euro në javë ushqime që do të thotë në muaj 320 euro.Të gjitha bashkë janë 695 euro,pa vendosur këtu nevojën e fëmijës për mësimin e gjuhës së huaj etj.

Dmth në fund të mjuajit,një familje del me – 74 euro për mbijetesën,ndërsa për blerje rrobash etj,as nuk do guxojë njeri të kalojë afër dyqaneve.

Me pak fjalë,emigrantët nuk do kenë mundësi të shkojnë as tek jë i afëmi i tyre në lagjen tjetër,ndërsa përsa i përket pushimeve në Shqipëri,ato i përkasin së kaluarës.

Postoje