E dëbuan si bari nga fshati dhe nga inati vodhi tri kisha brenda një nate!

Kishte marrë me rradhë fshatrat e Dropullit dhe shtirej sikur punonte si bari,por natën...

shkonte dhe vidhte nëpër kisha dhe banesa një 30-vjeçar nga Fieri,i cili tashmë ka rënë në pranga.

Bëhet fjaklë për 30-vjeçarin Soli COGA,1982, lindur dhe banues në Fier, i dënuar më parë  me një vit burg për vjedhje  banese.
30-vjeçari akuzohet se më  datë 28.01.2012, gjatë natës  ky shtetas ka vjedhur me thyerje  arkën ku mbahen lekët që hedhin besimtarët në kishën e fshatit Vollinë, arkën e kishës së fshatit Bularat dhe arkën e kishës së fshatit Bodrishtë.

Në të tria kishat ky shtetas ka vjedhur  shuma të papërfillshme të hollash , nga tre deri në 5 Euro në çdo kishë , ndërsa nuk ka prekur  dhe nuk ka marrë asnjë send tjetër që ndodhej në këto kisha.

Specialistët e Seksionit për Parandalimin dhe Hetimin e Krimit në Komisariatin e Policisë Gjirokastër kanë marrë informacion në rrugë operative  për autorësinë e këtyre  vjedhjeje dhe mënjehërë  kanë organizuar punën  për kapjen e autorit të dyshuar ku ka rezultuar se:

·    30-vjeçari pasi ka punuar për disa vite si bari në disa fshatra të Komunës Dropulli i Sipërm, banorët e fshatit Vollinë e kanë ndjekur duke mos e pranuar që ky shtetas të vazhdonte të punonte si bari me bagëtitë e këtij fshati. Dhe natën që ky shtetas do largohej ka kryer edhe vjedhjen e të tria kishave të kësaj komune.

·    Më datën 07.05.2011, ka vjedhur me thyerje banesën e shtetasit J.GJ, nga fshati Glinë Gjirokastër ku ka vjedhur sende prej bakri për ti shitur si skrap si dhe një shumë prej 200 Eurosh.

·    Gjithashtu ky shtetas më datën 19.10.2011, po në fshatin Glinë i ka vjedhur shtetasit V.B, një kafshë dore dhe e ka shitur .

Nga ana e Specialistëve të Seksionit për Parandalimin dhe Hetimin e Krimit në Komisariatin e Policisë Gjirokastër  është bërë dokumentimi me prova ligjore i këtyre vjedhjeve .

Në përfundim të veprimeve të para hetimore materialet në ngarkim të këtij shtetasi i kaluan Prokurorisë së Rrethit Gjyqësor Gjirokastër për veprime të mëtejshme për veprën penale të “Vjedhjes “, vepër kjo e parashikuar nga neni 134 i  Kodit Penal.

Postoje