Përgjimet,Ilia Basho me lidhje jashtëmartesore,organizoi vrasjen e bashkëshortes,la dy fëmijë jetim

Me një lidhje jashtëmartesore duket se ka organizuar ekzekutimin e bashkëshortes...

së tij dhe la jetimë dy fëmijët e tij për të jetuar dashurinë me një femër tjetër?.Edhe pse fillimisht ka mundur të dalë i pafajshëm,përgjimet telefonike kanë vënë në pranga Ilia Bashon si organizator i krimit të rëndë që tronditi Shqipërinë.

Dosja e hetimeve të policisë dhe dhjetëra dëshmi të mbledhura kanë bindur prokurorin e çështjes për të firmosur urdhër-arrestin për 38-vjeçarin, duke e akuzuar atë zyrtarisht për organizimin e vrasjes së Eleni Bashos.

Drejtori i policisë së Tiranës, Bernard Çaushaj, tha dje në një konferencë për shtyp se ka prova dhe fakte që e implikojnë Ilia Bashon në vrasjen e bashkëshortes, nënë e dy fëmijëve, më 2 shkurt në rrugicën pranë shtëpisë së tyre.

“Gjatë deklarimeve të tij në polici, Ilia Basho ka pohuar se dispononte një numër telefoni, por verifikimet kanë zbuluar edhe 3 numra të tjerë, me të cilët komunikonte më së shumti me një vajzë”,bënë me dije burime nga grupi hetimor.

Zbulimi i lidhjes paralele të Ilia Bashos i ka dhënë një motiv policisë për të fokusuar hetimin tek ai, por jo provat për ta çuar në pranga. Kanë qenë antenat e kompanive celulare ato që kanë rrëzuar alibinë e Bashos, duke e kthyer atë në të dyshuarin kryesor për organizimin e vrasjes së të shoqes.

Gjatë gjithë ditës së martë, Ilia  Basho është mbajtur në ambientet e Policisë së Tiranës, ku është marrë në pyetje për orë të tëra. “Ka mbajtur qëndrim mohues ndaj dyshimeve dhe akuzave dhe ka pohuar se është i pafajshëm. Por kur u ballafaqua me provat e mbledhura gjatë hetimit 20-ditor, Basho e ndërpreu komunikimin, duke refuzuar t’u përgjigjej pyetjeve të tjera”, kanë thënë burimet e policisë.

Vrasja që tronditi Tiranën,policia:Vrasja e Eleni Bashos u organizua nga bashkëshorti i saj!

Postoje