Fëmijët shqiptarë shkojnë në plazh jo për t'u larë, por për të punuar

Punësimi sezonal në Sarandë gjatë stinës së verës është kthyer në modë.

"Kush kërkon punë në verë mund ta gjejë me lehtësi atë. Mjafton të jesh i shkathët, i përpiktë dhe korrekt me klientët", - thotë Gentian Sulçe, pronar i një lokali në Durrës. "Nuk jam kundër punësimit sezonal të fëmijëve, vijon ai, por me masë dhe pa abuzuar me ta" - thekson ai, teksa tregon për gazetaren e ALBNOW se ka parë për 3 vjet rresht nje kamerier që e kishte nisur punë 12 vjeç dhe tani ishte 15 vjeç.

"Kamerieri ishte në moshë jo madhore, pavarësisht se ishte pjekur përpara kohe", specifikon Gentiani. "E kuptoj situatën e djaloshit. Ishte nga një fshat i Durrësit dhe kishte nevojë për të ardhura financiare, por ai ende nuk kishte mbaruar ciklin shkollor 9-vjeçar", shton ai. Nga ana tjetër, djaloshi 15-vjeçar,  ndihet krenar për punën që bën, madje thotë se e vetmja rrugë për të siguruar të ardhura në rrugë të ndershme. Në Durrës ka mbi 300 fëmijë të ardhur nga qytete të tjera që punojnë, madje ka raste që vjedhin pushuesit.

Punësimi sezonal i fëmijëve në Durrës është bërë shqetësues edhe për Inspektoratin e Zyrës së Punësimit, si dhe për organizatat jofitimprurëse që ushtrojnë aktivitetin e tyre në këtë qytet bregdetar. Shfrytëzimi i fëmijëve për punë është një nga problemet sociale që shqetësojnë shoqërinë shqiptare. Disa profesione rrezikojnë sigurinë e shëndetit apo moralit të fëmijëve, si për sa i përket natyrës së punës, ashtu dhe për rrethanave në të cilat kryhen, por në Shqipëri vihet re një tendencë në rritje e fëmijëve të punësuar.

"Shteti duhet të veprojë për eliminimin e fenomenit të punës së fëmijëve, pasi çdo lloj forme pune paraqet rreziqe, cënon edukimin, dëmton shëndetin, si dhe zhvillimin e tij", - tregon Gentiani.

Postoje