Rreziku i jetës nëpër rrugët e Tiranës,lulëzon tregu i rrugës, gjen gjithçka mes mikrobeve - Foto-reportazh

Të vendosur kudo nëpër rrugë, me vullnetin për të mos ...

paguar taksës, në kundërshtim me të gjitha standardet e higjenës, për të shitur produkte ushqimore, tregu i rrugës funksionon prej vitesh në Tiranë.

Për më tepër tregtohen jo vetëm produkte në shishe të pakontrolluara, siç është vera, uthulla apo vaji i ullirit, por edhe fruta-perime, zarvavate, mish, bulmet etj. Situata më alarmante bëhet pikërisht në stinën e verës, kur temperaturat e larta favorizojnë shtimin e mikrobeve e për pasojë rrezikun serioz të shëndetit të përdoruesve të këtyre produkteve. Tregu në zonën e Porcelanit nuk është i vetmi ku kushtet higjeno-sanitare nuk plotësohen.

Në Rrugën e Elbasanit, në afërsi të Shkollës së Baletit është një tjetër i ashtuquajtur treg. I vendosur pa kriter, në mes të rrugës, tregtarët shesin  që prej orëve të para të mëngjesit deri në mbrëmje. Duke bllokuar kalimin e qytetarëve në trotuar, por edhe duke thithur vazhdimisht pluhurin që ngrenë automjetet, edhe tregtarët e kësaj zone shprehen se paguajnë rregullisht taksën e vendosur nga njësia bashkiake e zonës.

Ajo çka është më e tmerrshme për t'u besuar është që këtu mund të gjesh edhe prodhime bulmeti, të cilat jo vetëm që nuk mbahen në kushte frigoriferike, por qëndrojnë në rrugë në pikë të diellit.

Një tjetër treg i vendosur në trotuar, dhe aspak i kontrolluar është edhe ai i vendosur përgjatë rrugës që të çon tek Shkolla "Jeronim De Rada, pas Ministrisë së Drejtësisë. Tregtarët, jo vetëm që bllokojnë kalimin e qytetarëve por edhe shesin produkte që mund të rrezikojnë shëndetin e konsumatorëve.

Postoje