HISTORIA TRONDITËSE - Shiste drogë për të shpëtuar nënën e sëmurë me kancer

Kur nuk ka një shtet social,që nuk ndihmon as të sëmurët,atëherë rinia i drejtohet trafikut të drogës.

“Arrita të shisja drogë për dy vjet rresht. Atëherë u transformova.Nga një vajzë me një trup shumë të bukur që mund të vishej bukur e të ekspozohej, fillova të vishesha si çun, sepse duke marrë parasysh punën që po bëja të mos i lija asnjë njeriu përshtypjen se unë isha një vajzë e lehtë për t’u përdorur. Mami vdiq më 5 tetor, unë jam arrestuar në 15 tetor, vetëm 10 ditë pas vdekjes së saj. U dënova 7 vjet e gjysmë, ndërkohë që kisha 1 muaj që isha shkëputur nga shitja e drogës dhe ditën që më kanë kapur rastisa në kohën e gabuar, në vendin e gabuar”. Kështu e nis rrëfimin e saj rrënqethës Soni, 23 vjeçare, e cila ka dhënë sot një intervistë për "Gazeta Shqiptare"

E mbërthyer nga “kthetrat” e varfërisë, që 17 vjeçe vendosi të kërkonte punë për të përballuar sado pak shpenzimet për kurimin e njeriut më të shtrenjtë për të. E edukuar me frymën se një femër nuk mund të shesë trupin e vet, në çfarëdo vështirësie që të ndodhet, Soni D. vendos të merret me shitjen e drogës, duke e parë si të vetmen alternativë që mund të nxirrte familjen e saj nga hendeku ku ishte fundosur. Dëshira e madhe që kishte për të shëruar nënën e saj kalonte çdo kufi të veprimeve, sado të rrezikshme që të ishin ato. E kishte menduar edhe burgun por nuk u frenua në asnjë çast, vetëm për të shpëtuar nënën e sëmurë, tregon ajo për "GSh".

Fati i keq i 23 vjeçares ka tronditur sot lexuesit shqiptarë, duke qenë se historia e saj e dhimbshme merr shkak nga varfëria ekstreme dhe tragjeditë familjare. Soni nuk është e vetmja vajzë që ka përfunduar në burg për këtë arsye ose të ngjashme, por ka edhe shumë të tjera që kanë rënë pre e realitetit të ashpër.

Postoje