1 milionë kokrra kafeje për mozaikun e ri të Saimir Stratit

Prej pak ditësh Strati ka nisur punën dhe orë pas ore, mozaiku i tij po merr...

formë dhe ngjyra. Aty gjenden 5 kontinentet…dhe ky mozaik është një lloj harte e cila flet jo nëpërmjet kufijve, por nëpërmjet njerëzve të bërë bashkë! Artisti Strati thekson:

“Kam zgjedhur të jap edhe një mesazh, përveçse të krijoj një vepër të bukur arti. Kryefigura, ajo që qëndron më lartë në mozaik është një grua braziliane, pasi kur mendon për kafe, menjëherë mendon Brazilin. Aty gjendet gjithashtu një afrikan, një amerikan, një aziatike dhe një evropian për të përcjellë idenë e bashkëjetesës. Në përfundim personazhet e mi do të lidhen bukur”.

Ai nuk kërkon të sfidojë askënd, thjesht ta vendosë atë, duke shënuar edhe një herë emrin e Shqipërisë në librin e Rekordeve Guinness! Një milionë kokrra kafeje për të formësuar një mozaik 25 metra katrorë.

Kjo është sfida e radhës e njeriut të mozaikëve, artistit shqiptar Saimir Strati i cili synon rekordin e gjashtë Guinness. Njeriu i mozaikëve, shqiptari i Rekordeve Guinness përherë ka preferuar që krijimet e tij t’i realizojë në sy të njerëzve, aty ku ata kalojnë çdo ditë, duke i shndërruar gati-gati në dëshmitarë të punimeve të tij. Këtë herë Strati ka zgjedhur hollin e një hoteli për të realizuar mozaikun e tij.

Postoje