Gjenden prova për 21 Janarin në shtëpinë e Armando Kasës - Çfarë fshihet në laptopin dhe USB-në e sekuestruar?

Me ritme të shpejta po ecin hetimet për 21 Janarin dhe duket se shumë ...

prova janë gjetur për të zbardhur atë ngjarje të frikshme që i mori jetën katër protestuesve.

Nga një kontroll i Policisë Gjyqësore në shtëpinë e specialistit të IT-së së Kryeministrisë,janë gjetur prova materiale,ku dyshohet se ka pamje filmike të kamerave të kryeministrisë.

Sipas gazetës "Shqip", “Në banesën e Armando Kasës janë sekuestruar një lap-top, një kompjuter, USB dhe telefoni personal i 27-vjeçarit. Provat janë sekuestruar me urdhër të policisë gjyqësore dhe i kanë kaluar grupit hetimor”, thanë burimet nga Prokuroria e Përgjithshme, të cilat pohojnë se kanë dyshime se disa filmime të kamerave të sigurisë së Kryeministrisë mund të gjenden në këto pajisje.

Sekuestrimi është realizuar në datën 23 janar të këtij viti, menjëherë pasi Kasa u njoh me vendimin e gjykatës. Dy oficerë të policisë gjyqësore i komunikuan 27-vjeçarit vendimin e gjykatës. Ekzekutimi është kryer në godinën e Këshillit të Ministrave. Më pas, po këta hetues kanë shkuar në banesën e këtij personi, me një urdhër gjykate dhe kanë kontrolluar për prova. Janë sekuestruar vetëm pajisje elektronike që mund të kenë gjurmë të personave që vranë protestuesit në bulevard..

Postoje