Përkujtohet 21-vjetori i rrëzimit të bustit të Enver Hoxhës,Berisha:Është rikthyer blloku në psikologjinë e socialistëve

Si sot,21 vjet më parë mijëra njerëz vërshuan në qendër të Tiranës për ...

të rrëzuar bustin e njeriut që mbajti për afër 5 dekada vendin të rrethuar dhe persekutoi mijëra shqiptarë.

Kreu i qeverisë Sali berisha mori pjesë me këtë rast në përurimin e pavijonit të krimeve të regjimit Komunist në Muzen Komnbëtar.

“Sot pas 21-vitesh nuk mund të mos theksoj që pasardhësit direkt të bunkerit që përmbysën bunkerin nuk kanë shprehur pendesën, kanë ozurpuar kreun e partisë opozitare dhe natyrisht nuk janë kthyer në bllok por kanë rikthyer bllokun në psikologjinë e tyre. Ata me mburrje dhe me rrahje gjoksi bllokuan procesin e integrimit duke dëshmuar se doktrina e etërve të tyre është për ta dhjetra herë më parësore se interesi i vendit”, tha Berisha.

Në pavijonin e hapur në muzeun komnëtar nëpërmjet fotove, dokumenteve shifrave e objekteve personale të burgosurve, të pushkatuarve e të internuarve të shumtë, janëparaqitur edhe të dhëna tronditëse të kësaj kategorie njerëzish, që ishin nga njerëzit e thjeshtë deri tek ish deputetë e ministra, një pjesë e të cilëve vdiqën në burgjet e diktaturës komuniste.

Pavijoni është vendosur në katin e dytë të Muzeut Kombëtar, në një sipërfaqe ekspozuese prej 400 metra katrorë. Duke ndjekur një linjë historiko-kronologjike, në rreth 60 stenda trajtohen ngjarjet historike të viteve 1945–1990. Bashkangjitur me stendat, në pavijon janë vendosur disa monitorë të cilët do të shfaqin kolazhe dokumentesh që nuk kanë mundur të ekspozohen, lista të gjata të emrave të të persekutuarve apo edhe materiale audio-vizive të nxjerra nga Arkivi i Filmit.

Postoje