Shpresa jete për komandon shqiptar që u plagos në Afganistan- Lexoni biografitë

24-vjeçari komando u plagos pasditen e kaluar në Kandahar të Afganistanit, Aleksandër Peçi...

është operuar dje pasdite në spitalin ushtarak të zonës dhe mjekët kanë dhënë garanci se ai mund të shpëtojë.

Ushtari i forcave speciale ka marrë plagë në pjesën e qafës dhe në bel. Mjekët që kanë kryer operacionin kanë thënë se ushtari Peçi nuk ka marrë dëmtime në organet jetësore.

ISAF dhe NATO dje në mbrëmje kanë marrë masa për transportimin e tij në  Gjermani , pasi mjeket kanë dhënë aprovimin se një gjë e tillë mund të përballohet nga shendeti i ushtarakut shqiptar.

Lajmi i është bërë i ditur familjarëve,të cilët mes hidhërimit u ësht rikthyer buzëqeshja,pasi njeriu i tyre ka shpresa të jetojë.

Dy komandot shqiptareu qëlluan dje në Kandahar ,Afganistan gjatë gjatë orëve të pasdites ,ndërsa policia afgane ka arrestuar 11 policë si të dyshuar.

Vdekje tragjike gjeti Komandanti i Grupit të 1-rë Special Kapiten Feti Bedri VOGLI ,ndërsa është plagosur rëndë N/Tetar Aleksandër Jak PEÇI (specialist armatimi në këtë grup),si dhe një tjetër ushtarak i një shteti aleat.

Biografia e të vrarit Kapiten Feti Vogli

Kapiten Feti Vogli, lindur më 23.05.1981, në fshatin Baldushk të rrethit të Tiranës, është i martuar dhe nga martesa e tij me zonjën Alva, ka një vajzë 2 vjeçe me emrin Egi.

Pas mbarimit të Akademisë Ushtarake në specialitetin Artileri Tokësore, u bë pjesë e Forcave të Armatosura, me detyrë komandant Toge në Brigadën e Stërvitjes të Bazës, Bunavi.

Pas kryerjes me sukses të kursit Bazë të Forcave Speciale më 16 korrik 2005 është bërë pjesë e Batalionit të Forcave Speciale me detyrë Komandant Grupi. Nga data 1 qershor 2010 kryente detyrën e komandantit të Grupit të Parë Special në kompaninë e Aksioneve Speciale Ujore.

Kapiten Feti Vogli ishte një ushtarak karriere i shkëlqyer dhe si rezultat i arritjeve në detyrë është dekoruar disa herë me medalje të ndryshme si:

Medalja e Karrierës në vitin 2007 nga komandanti i Forcës së Bashkuar.

Medalja për Shërbime Ndërkombëtare nga ministri i Mbrojtjes në vitin 2007.

Medalje për shërbime të Shquara nga ministri i Mbrojtjes në vitin 2010.

Nga data 16 janar 2012 është dërguar me mision luftarak "EAGLE 4" në përbërje të Batalionit të Forcave Speciale në Kandahar të Afganistanit.

Biografia e të plagosurit Nëntetar Aleksandër Jak Peci

Nëntetar Aleksandër Jak Peci, ka lindur më 26.09.1988, në fshatin Lekbibaj të Tropojës dhe është banues në Bathore, Tiranë. Pasi mbaroi shkollën e mesme në Bathore, është titulluar ushtarak aktiv me gradën profesionist i parë, në Repartin Ushtarak Nr. 1001.

Pas kryerjes me sukses të Kursit Bazë të Forcave Speciale, më 16.01.2011, është bërë pjesë e Batalionit të Forcave Speciale, me detyrë specialist armatimi në Grupin e

Parë Special të Kompanisë së Aksioneve Speciale Ujore në Batalionin e Forcave Speciale.

Nëntetar Aleksandër Peci është një ushtarak i dalluar për disiplinë dhe moral të lartë në kryerjen e detyrave të ngarkuara nga eprorët e tij.

Nga data 16.01.2012, nëntetar Peci është dërguar me mision luftarak "Eagle-4", në përbërje të Batalionit të Forcave Speciale në Kandahar, Afganistan.

Lajm i mirë,njëri nga komandot shqiptare i qëlluar në Afganistan mund të shpëtojë

Postoje