Përmirësohet gjendja shëndetësore e komandos Aleksandër Peçi,ndodhet në Gjermani

Në Gjermani është transferuar për mjekim të specializuar komandoja Aleksandër Peçi,i cili u...

sulmua dje pasdite në Kandahar të Afganistanit.

Pasi bëri operacion në Kandahar, 24-vjeçari shqiptar u transferua   sot drejt Ramsteinit në Gjermani,ku sipas njoftimeve,gjenja e tij shëndetësore po përmirësohet ndjeshëm.

24-vjecari ka marrë tre plage të rënda, por që nuk kanë prekur organet jetësore. Mjekët dhanë autorizim për transferimin drejt Gjermanisë, ndërkohë që autoritetet e NATO-s dhe ISAF morën masa për transportin. Autoritetet konfirmojnë gjithashtu se nëntetar Peci ka shpresa të shumta për të jetuar.

Gjatë sulmit të djeshëm në Afganistan mbeti i vdekur komandoja shqiptare Feti Vogli.

Sipas komunikatës së Ministrisë së Mbrojtjes, ata u qëlluan nga një njësi policësh afganë në rrethana ende të paqarta. Fillimisht u fol për dy të vrarë, oficerin Feti Vogli, me gradën kapiten dhe Aleksandër Peçin, nëntetar, por në mbrëmje një lajm i dytë njoftoi se nëntetar Peçi ishte ende në jetë, ndonëse në gjendje kome.

Shpresa jete për komandon shqiptar që u plagos në Afganistan- Lexoni biografitë

Postoje