Rrëzohet për herë të katërt prokuroria ,Ndrea Prendi mbetet në arrest shtëpie

Në seancën e sotme në Gjykatën e Apelit, trupa gjykuese ka vendosur të lërë...

në fuqi vendimin e Gjykatës së Tiranës për Ndrea Prendin. Gjykata e Tiranës, kishte vendosur masën e sigurisë, arrest shtëpiak për ish-shefin e Gardës së Republikës Ndrea Prendi. Prokuroria kërkoi nga Gjykata e Apelit që masa e sigurisë, arrest shtëpiak, të zëvendësohej me masën e sigurisë, arrest me burg, për Prendin

Avokati mbrojtës i ish-Komandantit të Gardës së Republikës së Shqipërisë Ndrea Prendi ka kërkuar largimin nga trupi gjykues në Gjykatën e Apelit të Zeqine Sollakut, gruaja e ish-kryeprokurorit. Mbledhja e parashikuar për në orën 10:30 për rivlerësimin e masës së sigurisë për ish komandantin e Gardës së Republikës, Ndrea Prendi i akuzuar për vrasjen e protestuesit Faik Myrtajt me 21 janar nuk është kryer.

Avokati Genci Gjokutaj ka kërkuar largimin e Sollakut nën pretendimin se ka papajtueshmëri ligjore që lidhet me detyrën që ka ushtruar më parë bashkëshorti i saj Theodhori Sollaku si Kryeprokuror i Pergjithshëm. Gjokutaj tha se ka të dhëna për një konflikt mes Sollakut dhe Ndrea Prendit në vitin 2006 dhe si e tillë nuk mundet që gruaja të gjykojë në këtë proces. Gjykata e ka pranuar këtë mesa duket dhe në vend të saj u vendos Agron Papajani.

Postoje