Jashtë rrezikut për jetën komandoja Aleksandër Peçi - Ende nuk është kthyer në atdhe trupi i pajetë i Feti Voglit!

Në gjendje shumë më të mirë shëndetësore gjendet në spital në Gjermani ...

komandoja i plagosur rëndë në Afganistan Aleksandër Piçi.

Në një komunikatë Ministria e Mbrojtjes sqaron se nëntetar Aleksandër Peci, është transferuar në spitalin ushtarak amerikan në Bazën Ajrore të Bagramit, në veri të Kabulit, një spital me personel shumë të kualifikuar për ndërhyrje kirurgjikale të vështira.

Nëntetar Peci i është nënshtruar edhe një operacioni tjetër, i cili ka zgjatur disa orë.

Operacioni ka dalë me sukses të plotë dhe aktualisht gjendja e tij shëndetësore është shumë e mirë. Ai tashmë ndodhet tërësisht jashtë rrezikut dhe funksionet e tij jetësore janë duke u kthyer në normalitet.

Pasi gjendja  e tij shëndetësore të jetë në nivel të qëndrueshëm për të përballuar kushtet e udhëtimit, ai do të transferohet për një trajtim mjekësor më të gjatë dhe më të hollësishëm në Gjermani.

Pas tmerrit që i dha Ministri i mbrojtjes familjes Peçi,të cilëve u tha se djali juaj është vrarë,tashmë në familje mbizotëron gjendje e ngrohtë dhe e qetë.
Ministria e Mbrojtjes pret ende trupin e ushtarakut të vrarë, Kapiten Feti Voglit, i cili ende nuk dihet saktësisht se kur do të mbërrijë në atdhe.

E qanin djalin të gjallë sepse i keqinformoi ministri i Mbrojtjes dhe tani as falje nuk kërkon

Postoje