Nuk do e blejë Kuvendi makinën e re për Topallin!

Mesa duket kryetarja e Kuvendit e mendoi sërisht dhe vendosi që të mos e blejë ...

makinën e re që do ti kushtonte taksapaguesve shqiptarë plot 24 milionë lekë të reja.
Marlind Myftoi, Sektretari i Përgjithshëm i Kuvendit shpjegon se makina VIP me vlerë 24 milionë lekë, fillimisht ka qenë në plan për t’u blerë, por kjo nuk është realizuar me kërkesë të vetë Kryeparlamentares. “Në prill 2011 ka pasur një kërkesë nga administrata e Kuvendit për blerje autoveture, por bëhej fjalë për një autoveturë që do të përdorej, jo për titullarin, por për delegacionet e huaja të nivelit të lartë”,  tha  Myftiu.

Aktualisht Topalli qarkullon me një autovetura tip benz, TR 0015Z, prodhim i vitit 2003, (9 nëntë) vite në përdorim ,e cila paraqitet: Amortizimi Kontabël mbi 90 për qind, fizik më shumë se 60 për qind. Konsumon pjesë këmbimi 1 000 000 lekë çdo vit duke paraqitur defekte të ndryshme dhe të përsëritshme. Shpesh është futur në defekt gjatë momentit të kryerjes së lëvizjes. Amortizimi i përgjithshëm i saj dhe problemet që paraqet gjatë shfrytëzimit na bënë që të vlerësojmë: Për pozicionin ku shërben kjo autoveturë nuk garanton më tej shërbimin për Titullar Shteti”, shpjegon Kuvendi në kërkesën e tij drejtuar Ministrisë së Financave për të miratuar një shpenzim të tillë për vitin 2012.

Krahas makinës VIP për Kryeparlamentaren, Kuvendi ka parashikuar të blejë edhe dy autovetura të tjerë në vlera disi më të vogla. E para është një minibus 8+1 me vlerë 5.6 milionë lekë, kurse tjera është një Kamionçinë me vlerë 5 milionë lekë.

Sa do na kushtojë makina e re e Jozefina Topallit?

Postoje