Berisha garanton mosndërprerjen e energjisë elektrike

Kreu i qeverisë ka ritheksuar sot se vendi nuk do të ketë...

ndërpreje të energjisë elektrike dhe do të vazhdojë blerja nëse do të jetë e nevojshme,madhe edhe buxheti mund të rikthehet në Kuvend.

“Nuk pati dhe nuk do të ketë asnjë minutë mungese energjie për shkak të dimrit. Mund të krijonte një problem të madh mungesa e energjisë pasi dimri është i ashpër, por e vërteta është se KESH dhe CEZ kishin garantuar energjinë e muajit Shkurt ndaj dhe ajo nuk mungoi. Ndërkohë dhe vendet fqinj morën vendime për të bllokuar eksportin e prodhimit të tyre dhe nuk është se është një situatë e ndryshuar në kaskadën e Drinit, por ne do vazhdojmë të blejmë energji dhe në çdo rast jemi të gatshëm të çojmë dhe buxhetin ne parlament për gjithë shkurtimet e nevojshme që energjia të sigurohet”. Berisha u shpreh optimist për shkrirjen e borës në zonat veriore. Sipas tij, situata hidroenergjitike do të ndryshojë. “Në realitet liqenet e hidrocentraleve janë nën nivelet më të ulëta. Por, me shkrirjen e borës do ndryshojë situata hidroenergjitike në vend”.
Kryeministri ka thënë gjithashtu se më shumë se 96% e vendit ka dalë nga emergjenca e dimrit.

“Defakto mbi 96 për qind e këtij territori që shtrihet nga Leskoviku deri në Vermosh është jashtë emergjencës sonë në rrafshin e komunikimit. Qeveria do të mbajë duke vëzhguar çdo ditë hapjen e rrugëve kryesisht të fshatrave dhe përkujdesjen me shkrirjen e dëborës pasi është një moment që favorizon ortekët. Prandaj edhe thirrja ime është për këto zona që të bëhet çdo lloj evakuimi pasi kjo është një çështje që mund të zgjasë”, shtoi Berisha.

Postoje