Rama:PD po vonon reformën zgjedhore dhe pengon integrimin e vendit në BE

"Rruku rruku -llisen kadet" thotë kënga korcaçre dhe mesa duket kështu ...

po rrukullisen edhe deklaratat politike,pasi Rama po akuzon PD-në se nuk ka vullnet për të përparuar në reformat e kodit zgjedhor,me pasojë vendi të mbetet në vend numëro përsa i përket integimit në BE.Gjatë gjithë këtyre muajve,ka qenë PD që akuzonte PS-në për pengesë të integrimit të vendit në BE.

“Qeveria është përgjegjëse për bllokimin e reformës zgjedhore dhe në këtë mënyrë po kompromentohet integrimi europian i vendit”, theksoi Rama në mbledhjen e Grupit Parlamentar socialist.

Kreu i PS-së tha se “ka pak vullnet nga Partia Demokratike për të trajtuar siç duhet procesin e reformës zgjedhore”, ndërsa vuri në dukje se sipas tij, po luhej me fatin e zgjedhjeve të ardhshme parlamentare. “Zgjedhjet janë kusht për integrimin në BE” tha Rama, andaj nënvizoi ai, “duhet të ishim në finalizim të reformës zgjedhore, në mënyrë që të mos përsëriten ato që kanë ndodhur në të shkuarën”. Ai falënderoi punën e deputetëve socialistë në Komisionin e Ligjeve për punën në miratimin e ndryshimeve në Kodin Civil e për vijimin e shqyrtimit të amendimeve të reja në Kodin Penal, ndryshime që duhet të miratohen në fund të muajit shkurt, sipas axhendës së Kuvendit për ligjet, që kërkojnë shumicë të cilësuar votash në Parlament, prej 3/5. “Ne do të mbetemi plotësisht të vullnetshëm për të miratuar një orë e më parë të gjitha ndryshimet, që më parë duhet të marrin konsensusin në Komisionin e Ligjeve”, tha Rama.

Postoje