Harasani trazon ujërat në zgjedhjet e PS për Tiranën:Qesharake! Si mund të quhet garë kjo? -Tahiri:PS-ja ka forume

Debate të mëdha ka shkaktuar gara brenda PS-së për...

kreun e Partisë Socialiste për kryeqytetin.

Kryesia vendosi disa ditë më parë që zgjedhja të bëhet më datë 3 Mars,ndërkohë që kanë nisur edhe debatet që lindin nga deputeti socialist Andis Harasani.

Deputeti i PS-së, Andis Harasani, ka shprehur në Facebook pakënaqësinë e tij ndaj kandidimit të Saimir Tahirit për këtë post. “Një kandidat i komanduar kërkon shtyrjen e datës së zgjedhjeve për t’i dhënë kohë kandidatit tjetër që të shpalosë platformën…Qesharake!!!! Si mund të quhet garë kjo???”,  shkruan Harasani.

Harasani duket se është tepër i indinjuar me proçedurat e ndjekura edhe pse shprehet se nuk është i mërzitur për këtë proces, ku Sajmir Tahiri garon përballë Ilir Zelës, ai thekson se nuk ka standarde. “Nuk jam i mërzitur. Por nuk ka standarde. Dhe kjo është shqetësuese. Fasadë! Komedi! Mungesë gare! Jo respekt për të tjerët dhe veten!”,  shkruan Harasani.

Kandidati për postine kreut të PS-së Tiranë,Saimir  Tahiri ka deklaruar dje se kushdo që është kundër kandidimit të tij për PS-në e Tiranës duhet t’i drejtohet komisionit të Garancive Statutore.  “PS-ja ka forume, besoj se kush ka merak të drejtojë ankesat dhe të marrë përgjigje. S’kam dyshim që gara jonë do të jetë tërësisht korrekte, e hapur, transparente dhe demokratike, sepse fundja kjo është mënyra sesi ne dimë t’i bëjmë gjërat në partinë Socialiste”, u shpreh Tahiri.
Ndërsa në një prononcim për mediat, Zela shton: “Unë kam besimin e plotë në seriozitetin e garave në Partinë Socialiste. Jam në këtë garë sepse u besoj garave dhe demokracisë së brendshme në PS. Kam respekt për kontributet e çdo socialisti”.

Dy ditë më parë, në një mbledhje të kryesisë së PS-së, sekretari Organizativ Blendi Klosi informoi anëtarët e kryesisë për zhvillimin e zgjedhjeve për kreun e Partisë Socialiste në Tiranë, në datën 3 mars, ku do të kandidojnë zyrtarisht Ilir Zela dhe Sajmir Tahiri.

Më 6 shtator të vitit 2011, Besnik Bare dha dorëheqjen nga posti i kryetarit të Partisë Socialiste për Tiranën, post që ai mbante prej 6 vitesh, ndërkohë që kryesia komandoi në vend të tij deputetin Sajmir Tahiri, i cili do ta mbante këtë post deri në mbajtjen e zgjedhjeve të reja. Në zgjedhjet e 3 marsit, ai që do të fitojë nga zgjedhjet e PS-së së Tiranës do të kryesojë këtë force politike për katër vitet e ardhshme.

Postoje