Numri i foshnjave shurdhe në vendin tonë, dy herë më i lartë se mesatarja në vendet evropiane, shkak kequshqyerja

Rezultatet e monitorimit të bërë nga një organizatë italiane në katër ...

maternitete të vendit, atyre në kryeqytete dhe maternitetin e Fierit e të Shkodrës, ka rezultuar se shifrat të prekurve në vendin tonë janë dy herë më të larta sesa mesatarja në vendet evropiane.

Ndonëse faktorët gjenetikë renditen si shkaqet kryesore të kësaj sëmundjeje, mjekët konfirmojnë se ka edhe faktorë të tjerë, siç mund të jetë kequshqyerja e nënës gjatë shtatzënisë apo lindjet e foshnjave nën peshë, që shtojnë numrin e të prekurve.

“Rreth 70 për qind e tyre janë prej shkaqeve gjenetike, por ka dhe shkaqe prej infeksioneve të ndryshme që kalon nëna gjatë shtatzënisë. Ka disa medikamente që shkaktojnë dëmtim të dëgjueshmërisë. Prindërit nuk e besojnë që fëmija i sapolindur mund të ketë problem dhe për shumë kohë nuk rikthehen pranë strukturave shëndetësore për të bërë ekzaminimet e nevojshme.

Shpeshherë paraqiten me vonesë dhe është shumë vështirë për tu rikuperuar”, - ka deklaruar gjatë për median koordinatorja e shoqatës “Magis”, Daniela Nika, sipas së cilës nga 34 mijë testimet e kryera në një hark kohor prej dy vjetësh në këto katër maternitet mbi 70 bebe kanë manifestuar forma tepër të rënda të shurdhërisë.

Postoje